Delhi Decorated Like Bride جی ٹونٹی اجلاس کے لیے دہلی کو دلہن کی طرح سجایا گیا

قومی دارالحکومت دہلی کو جی 20 سمٹ کے لیے دلہن کی طرح سجایا گیا ہے دہلی کے اندرا گاندھی انٹرنیشنل ایئرپورٹ سے لے کر سڑکوں فلائی اوور اور دیگر مخصوص مقامات کو سجایا گیا ہے. Delhi Decorated Like Bride For Hosting G20 Summit

دہلی: قومی دارالحکومت دہلی کو جی 20 سمٹ کے لیے دلہن کی طرح سجایا گیا ہے دہلی کے اندرا گاندھی انٹرنیشنل ایئرپورٹ سے لے کر سڑکوں فلائی اوور اور دیگر مخصوص مقامات کو سجایا گیا ہے. دارالحکومت دہلی میں جہاں یہ اجلاس منعقد ہونے جا رہا ہے اس بھارت منڈپم کے مرکزی دروازے پر، نٹراج کا مجسمہ اس کی خوبصورتی کو مزید بڑھا رہا ہے۔ وزیر اعظم مودی نے بھی کہا تھا، 'بھارت منڈپم میں نصب نٹراج کا مجسمہ ہندوستان کی قدیم فن اور روایات کا نمونہ ہے۔'

جی 20 سمٹ کے لیے دہلی کے ہوائی اڈے کو بیرونی مہمانوں کے لیے سجایا گیا ہے۔ بالخصوص ایئرپورٹ پر لاؤنج، گیٹ پر فوارہ، پینٹنگز اور جی ٹوئنٹی کا لوگو بنایا گیا ہے۔ کئی مقامات پر لوگوں کی تصاویر لینے کا انتظام کیا گیا ہے۔ ستمبر کی 9 اور 10 تاریخ کو بھارت منڈپ میٹنگ پرگتی میدان کے نو تعمیر شدہ انٹرنیشنل کنونشن اینڈ ایگزیبیشن سینٹر میں ہوگی۔ منڈپم کے گیٹ پر روشنیوں، پینٹنگز، اور نٹراج کی مورتیوں سمیت رنگ برنگے فواروں سے سجایا گیا ہے۔

راجدھانی دہلی کی خوبصورتی جی 20 سمٹ کو موقع پر قابل دید ہے ۔ میٹرو اسٹیشن کے پل سے لے کر کئی فلائی اوورز تک جی 20 کا لوگو جگمگاتے ہوئے دیکھا جا سکتا ہے۔ وزیراعظم مودی نے اپنی ایک تقریر میں کہا تھا، 'جی-20 سربراہی اجلاس کے لیے جیسے ہی دنیا بھر کے لوگ جمع ہوں گے تو اس دوران وہاں موجود تمام لوگ ہندوستان کی قدیم فنکارانہ روایات کے گواہ بنے گے۔' بابائے قوم مہاتما گاندھی بھی دہلی کی سڑکوں پر نظر آئیں گے۔ جی 20 کے لوگو کے ساتھ مہاتما گاندھی کی تصویریں سڑکوں پر سجی ہوئی ہیں۔ رات کو دودھیا روشنی میں تصاویر کافی دلکش نظر آ رہی ہے۔