شاہین باغ کے رائے دہندگان میں بھی کافی جوش و خروش

دہلی کی 70 اسمبلی نششتوں کے لیے آج صبح آٹھ بجے سے پولنگ شروع ہو چکی ہے۔ جمہوریت کے اس جشن میں شاہین باغ کے رائے دہندگان میں بھی کافی جوش و خروش دیکھنے کو مل رہا ہے۔

شہریت ترمیمی قانون، این آر سی اور این پی آر کے خلاف مسلسل 50 روز سے زائد دنوں سے احتجاجی مظاہرے ہو رہے ہیں، جس کے سبب شاہین باغ پر لوگوں کی خاص نظر ہے۔

شاہین باغ میں پولنگ مراکز پر ووٹرز کی لمبی لمبی قطاریں نظر آ رہی ہیں اور اس میں خواتین ووٹرز بھی بڑھ چڑھ کر حصہ لے رہی ہیں۔ شاہین باغ میں سخت سکیورٹی کا انتظام ہے۔

شاہین باغ سے پیش ہے یہ خاص رپورٹ۔