دہلی-این سی آر میں زبردست دھند، ہوا کا معیار بے حد خراب

قومی دارالحکومت دہلی اور آس پاس کے علاقے میں آج صبح ہوا کا معیا کافی خراب رہا، (سی پی سی بی) کے مطابق دارالحکومت میں ہوا کا معیار کا انڈیکس 300 کے لگ بھگ رہا ، جو انتہائی ناقص کے زمرے میں آتا ہے۔

دہلی: قومی دارالحکومت دہلی اور این سی آر میں ہفتہ کی صبح گھنا کہرا چھایا رہا اور ہوا کا معیار کافی خراب درج کیا گیا۔

محکمہ موسمیات کے مطابق دارالحکومت میں کم از کم درجہ حرارت 10 ڈگری سیلسیس اور زیادہ سے زیادہ درجہ حرارت 27 ڈگری سیلسیس کے قریب رہنے کی توقع ہے۔

دارالحکومت اور اس کے آس پاس کے متعدد علاقوں میں گھنے دھند کے باعث صبح سویرے حد بصارت کم ہوکر 50 میٹر تک رہ گئی۔ دہلی ہوائی اڈے پر حد بصارت بہت کم تھی لیکن اس کا پروازوں کے عمل پر کوئی اثر نہیں ہوا۔

سنٹرل آلودگی کنٹرول بورڈ (سی پی سی بی) کے مطابق دارالحکومت میں ہوا کا معیار کا انڈیکس 300 کے لگ بھگ رہا ، جو انتہائی ناقص کے زمرے میں آتا ہے۔