India Corona Update گزشتہ ماہ کے مقابلے اس ماہ کووڈ کے نئے کیسز میں کمی

گزشتہ 24 گھنٹے میں کورونا وبا کے انفیکشن سے ایک مریض کی موت کے بعد مرنے والوں کی تعداد بڑھ کر 5,30,624 ہو گئی ہے۔ ایکٹو کیس کی شرح 0.1 فیصد ہے اور موت کی شرح 1.19 فیصد ہے۔ New Covid Death cases in India

نئی دہلی: ملک میں گزشتہ 24 گھنٹوں میں کورونا کے 274 نئے معاملے سامنے آئے ہیں، جو کہ پچھلے مہینے کی اسی مدت کے مقابلے میں کم ہیں۔ صحت اور خاندانی بہبودکی مرکزی وزارت نے جمعہ کو کہا کہ صبح 7 بجے تک 219.93 کروڑ سے زیادہ ویکسین لگائی گئی ہیں۔ گزشتہ 24 گھنٹوں کے دوران ملک میں کورونا کے 95 ایکٹو کیسز کی کمی کے بعد ان کی تعداد کم ہو کر 4,672 ہو گئی ہے۔ وزارت صحت نے بتایا کہ گزشتہ 24 گھنٹوں میں کورونا انفیکشن سے آزاد ہونے والے 368 افراد کی مجموعی تعداد 4,41,37,617 ہوگئی ہے اور صحت یاب ہونے کی شرح 98.80 فیصد ہے۔ India New Corona cases

اسی عرصے میں کورونا وبا کے انفیکشن سے ایک مریض کی موت کے بعد مرنے والوں کی تعداد بڑھ کر 5,30,624 ہو گئی ہے۔ ایکٹو کیس کی شرح 0.1 فیصد ہے اور موت کی شرح 1.19 فیصد ہے۔ وزارت نے بتایا کہ ملک میں گزشتہ 24 گھنٹوں کے دوران چار ریاستوں میں کورونا کے ایکٹیو کیسز میں اضافہ ہوا ہے اور باقی ریاستوں اور مرکز کے زیر انتظام علاقوں میں ایکٹیو کیسز میں کمی آئی ہے۔ ان میں سے کرناٹک میں کورونا کے چھ، تلنگانہ میں چھ اور گجرات میں دو، میزورم میں ایک کیس سامنے آیا ہے۔

کیرالہ میں 21 فعال کیسوں کی کمی کے ساتھ، ان کی کل تعداد کم ہو کر 1,632 ہوگئی ہے۔ کورونا وبا سے صحت یاب ہونے والوں کی تعداد 67 لاکھ 53 ہزار 258 ہو گئی ہے اور مرنے والوں کی تعداد 71 ہزار 498 ہے۔ کرناٹک میں کورونا انفیکشن کے چھ فعال کیسوں کے اضافے کے ساتھ ان کی کل تعداد بڑھ کر 1,625 ہوگئی ہے۔ اس سے چھٹکارا پانے والوں کی کل تعداد 40,29,381 ہوگئی ہے اور مرنے والوں کی تعداد 40,303 پر مستحکم ہے۔ مہاراشٹر میں 22 ایکٹو کیسز کم ہو کر 373 ہو گئے ہیں۔ اس عرصے کے دوران 72 افراد کے صحت یاب ہونے کے بعد اس سے نجات پانے والوں کی کل تعداد 79,87,070 ہوگئی ہے۔ ریاست میں مرنے والوں کی تعداد 1,48,407 پر مستحکم ہے۔ تمل ناڈو میں کورونا انفیکشن کے 20 ایکٹو کیسز کم ہونے کے ساتھ ہی ان کی کل تعداد 178 پر آ گئی ہے۔ اس بیماری سے چھٹکارا پانے والوں کی تعداد بڑھ کر 35,55,932 ہو گئی ہے۔ ریاست میں مرنے والوں کی تعداد 38,049 ہو گئی ہے۔

قومی راجدھانی میں گزشتہ 24 گھنٹوں میں کورونا کا ایک بھی نیا کیس سامنے نہیں آیا ہے، جس کی وجہ سے فعال کیسوں کی تعداد 27 پر مستحکم ہے۔ دارالحکومت میں اس وبا سے صحت یاب ہونے والوں کی تعداد بڑھ کر 1980426 ہو گئی ہے اور اس وبا سے مرنے والوں کی تعداد 26518 ہو گئی ہے۔ گجرات میں کورونا کے دو ایکٹو کیسز کے اضافے کے ساتھ ہی ان کی کل تعداد 201 ہو گئی ہے۔ اس وبا سے صحت یاب ہونے والوں کی کل تعداد 1266212 ہو گئی ہے اور مرنے والوں کی تعداد 11043 ہے۔ اتر پردیش میں کورونا کے پانچ کیسز کم ہونے سے ان کی تعداد کم ہو کر 122 رہ گئی ہے اور اس کے ساتھ ہی اب تک 2104281 لوگ کورونا سے ٹھیک ہو چکے ہیں جبکہ یہاں مرنے والوں کی تعداد 23632 ہے۔

تلنگانہ میں کورونا کے چھ ایکٹو کیسز کے اضافے کے ساتھ ان کی کل تعداد 53 ہوگئی ہے۔ اس وبا سے صحت یاب ہونے والوں کی کل تعداد 836941 ہو گئی ہے اور مرنے والوں کی تعداد 4111 ہے۔ راحت کی بات یہ ہے کہ مرکز کے زیر انتظام علاقوں انڈمان اور نکوبار جزائر، آسام، دادرا اور نگر حویلی، دمن اور دیو، لکشدیپ، ناگالینڈ اور تریپورہ میں کورونا کا ایک بھی فعال کیس سامنے نہیں آیا ہے۔ اس کے علاوہ نو ریاستوں اور مرکز کے زیر انتظام علاقوں میں کورونا کا کوئی نیا فعال کیس سامنے نہیں آیا ہے۔

یو این آئی