بی جے پی نے مستقل کمیشن دینے کے فیصلے کا خیر مقدم کیا

بی جے پی نے خواتین کو فوج میں مستقل کمیشن دیے جانے کے معاملہ میں سپریم کورٹ کے فیصلے کا خیر مقدم کیا ہے۔

نئی دہلی میں بی جے پی کی قومی ترجمان اور لوک سبھا رکن میناکشی لیکھی نے پارٹی کے مرکزی دفتر میں منعقدہ ایک پریس کانفرنس میں کہا کہ 'خواتین کو فوج میں مستقل کمیشن کے معاملہ میں سپریم کورٹ کا فیصلہ تاریخی ہے اور بھارتیہ جنتا پارٹی اس تاریخی فیصلہ کا خیرمقدم کرتی ہے۔'

محترمہ لیکھی نے کہا کہ خواتین کو فوج میں مستقل کمیشن دینے کی مانگ 17برسوں سے چلی آرہی تھی۔ عدالت میں بھی یہ معاملہ تقریباَ دس برسوں سے چل رہا تھا۔ سپریم کورٹ کا فیصلہ ہر لحاظ سے ایک اچھا فیصلہ ہے۔

انہوں نے سپریم کورٹ کے جج ڈی وائی چندرچوڑ اور اجے رستوگی کا خاص طور پر شکریہ ادا کیا۔