غازی آباد میں پلاسٹک کے نقصانات پر شعور بیداری مہم

دہلی این آر سی کا مرکز کہلانے والا علاقہ غازی آباد سنگل یوز پلاسٹک کے تعلق سے عوامی آگاہی کے معاملہ میں ایک مثال بن گیا ہے جبکہ ضلعی انتظامیہ اور میونسپل کارپوریشن کی جانب سے سنگل یوز پلاسٹک سے متعلق طویل عرصہ سے عوامی آگاہی پروگرامس منعقد کئے جارہے ہیں۔

غازی آباد، ریاست اترپردیش کا پہلا ضلع ہے جہاں 3 سڑکوں کو سنگل یوز پلاسٹک کے استعمال سے تعمیر کیا گیا ہے۔ انتظامیہ کی جانب سے چلائی جارہی مہم سے متاثر ہوکر مقامی تاجرین نے سنگل یوز پلاسٹک کو میونسپل کارپوریشن کے حوالے کر رہے ہیں۔

غازی آباد میونسپل کارپوریشن نے صرف ایک ماہ میں تین سڑکوں کی تعمیر کی ہے جبکہ کارپوریشن نے اس سلسلہ میں بڑے پیمانہ پر ریلی نکالنے کا عزم کیا ہے۔

انتظامیہ کی جانب سے برتن بنک بھی قائم کیا گیا ہے جبکہ عام لوگ یہاں سے اسٹیل کے برتن حاصل کرسکتے ہیں۔