پرو کبڈی لیگ کی دہلی فرنچائزی دبنگ دہلی کبڈی کلب اپنے مقامی شائقین اور ناظرین کے سامنے دلچسپ اور سنسنی خیز مقابلے کے لیے بے تاب ہے۔
دہلی کی ٹیم 24 سے 30 اگست تک دہلی کے تیاگ راج اسپورٹس کمپلیکس میں ہوم لیگ میچ کھیلے گی۔ اس دوران مقامی ناظرین کو اپنے پسندیدہ کبڈی اسٹارز جوگندر ناروال، نوین کمار، معراج شیخ اور وشال جیسے کھلاڑیوں کو دیکھنے کا موقع ملے گا۔
دبنگ دہلی ہفتے کو بنگلورو بلس کے خلاف اپنی ہوم لیگ کی شروعات کرے گا۔ ٹیم پہلے سے ہی اس سیزن میں اپنے 7 میں سے 5 میچ جیت کر 29 پوائنٹس حاصل کر چکی ہے اور پوائنٹ ٹیبل پر دوسرے نمبر پر ہے۔
اپنی ٹیم کی توقعات کے بارے میں دبنگ دہلی کے کپتان جوگیندر ناروال نے کہا کہ 'دبنگ دہلی نے اپنے گھریلو میدان میں دیگر ٹیموں کے مقابلے بہت نمایاں کھیل پیش کیا ہے۔'
انہوں نے کہا کہ 'ہم نے چھ میں سے پانچ میچوں میں جیت حاصل کی تھی۔ ہم گزشتہ کامیابی ہی نہیں بلکہ اس سے بھی بہتر کارکردگی پیش کرنا چاہتے ہیں۔'
ٹیم کے کوچ ہڈا نے کہا کہ 'ہماری تیاری کافی پختہ ہے اور ہم کسی بھی چیلینج سے نمٹنے کے لیے تیار ہیں۔ مجھے یقین ہے کہ مقامی شائقین اپنی ٹیم سے مایوس نہیں ہوں گے اور ٹیم توقعات پر پورا اترے گی۔'
ٹیم کے سی ای او سمیت یادو نے کہا کی ٹیم ایک ایونٹس کی طرح کام کر رہی ہے ہمارے پاس ایک متوازن ٹیم ہے ۔جس میں ٹاپ رائیڈر اور ڈیفنڈر شامل ہیں ۔ہمیں یقین ہے کی یہ ٹیم ہمیں اپنے پہلے خطاب کی منزل تک پہنچانے میں کامیاب رہے گی۔6 روزہ ایکشن سے مقامی شائقین کافی پرجوش ہیں۔
