نئی دہلی کے دوارکا سیکٹر 20 میں سی این جی پمپ پر ٹرک میں سی این جی بھرنے کے دوران اچانک زور دار دھماکہ کے ساتھ ٹرک کا سلینڈر پھٹ گیا۔
اس کی زد میں آکر ٹرک میں سی این جی بھر رہے پمپ کے ملازمین راکیش اور پون شدید زخمی ہو گئے جنہیں مقامی اسپتال میں علاج کے لئے داخل کرایا گیا ہے۔
یہ حادثہ مزید بڑا اور جان لیوا ہو سکتا تھا لیکن بڑا حادثہ ہونے سے بچ گیا۔
فائر بریگیڈ کے افسر کا کہنا ہے کہ دوسرا سلینڈر بھی لیک کر رہا تھا۔ دیگر صورت میں دھماکہ کے ساتھ آگ لگنے کا خطرہ موجود تھا۔ جس سے بڑی تباہی پھیل سکتی تھی۔
اس لئے سی این جی پمپ پر فیلنگ کے دوران لوگوں کو دور کر دیا گیا۔
