شروعاتی جانچ میں 3500 سے زائد لوگوں سے تقریباً 70 کروڑ کی دھوکہ دہی کا خلاصہ ہو ا ہے۔ ملزم قانونی کارروائی کی دھمکی دے کر لوگوں کو اپنا شکار بناتے تھے۔ اس گینگ سے منسلک لوگوں کے سبھی اکاؤنٹ سائیبر سیل نے بند کر دیے ہیں اور پورے معاملے کی جانچ کی جا رہی ہے۔
ڈی سی پی انیش رائے کے مطابق ان کی ٹیم کو اطلاع ملی تھی کہ پیراگڑھی علاقے میں ایک کال سینٹر چلایا جا رہا ہے، جس کے ذریعے دوسرے ملکوں میں بیٹھے لوگوں کے ساتھ دھوکہ دہی کی جا رہی ہے۔
امریکہ سمیت کئی ممالک کے لوگوں کو دھمکی دے کر ان سے بٹکوائن اور گفٹ کارڈ کے بہانے روپیے لیے جا رہے ہیں۔ قانونی کارروائی کی دھمکی دے کر لوگوں کو فون کیے جاتے ہیں اور ان سے بٹ کوائن میں روپیے مانگے جا رہے ہیں۔
جانکاری ملنے پر انسپیکٹر منوج، سب انسپکٹر اودھیش، سنیل کی ٹیم نے اے سی پی آدیتیہ گوتم کی نگرانی میں کال سینٹر پر چھاپہ مار کر 42 لوگوں کو گرفتار کیا ہے۔ ان کے قبضے سے 90 ڈیجیٹل ڈیوائس اور ساڑھے چار لاکھ روپیے نقد بھی برآمد ہوئے۔
ڈی سی پی انیش رائے نے بتایا کہ یہ گینگ کال سینٹر کھلوا کر لوگوں کے ساتھ دھوکہ دہی کو انجام دیتے تھے۔ ان کی ہدایت پر کال سینٹر میں بیٹھے ملازمین غیر ممالک میں بیٹھے لوگوں کو لا انفورسمنٹ ایجنسی کے افسر بن کر رابطہ کرتے تھے۔ وہ خود کو سوشل سکیورٹی ایڈمنسٹریشن، ڈرگ انفورسمنٹ ایڈمنسٹریشن یا یو ایس مارشل سروس کا افسر بتا کر بات کرتے تھے۔ انہیں بتایا جاتا تھا کہ ان کے بینک اکاؤنٹ فریج کر دیے گئے ہیں کیونکہ ان کے سوشل سکیورٹی نمبر کرائم سین پر ملے ہیں۔
ان کے بینک اکاؤنٹ کے ذریعے غیر قانونی کاموں کو انجام دیا جا رہا تھا۔ ملزم غیر ممالک میں بیٹھے شکار کو بتاتے تھے کہ اس معاملے میں ان کی فوراً گرفتاری بنتی ہے اور یہ سنتے ہی غیر ملکی شہری گھبرا جاتا تھا۔ اس کے بعد انہیں چھوڑنے کے بدلے و ان کے بینک اکاؤنٹ میں موجود رقم سے بٹکوائن یا گوگل گفٹ خریدوائے جاتے تھے۔ انہیں اسے سرکار کے اکاؤنٹ میں ٹرانسفر کروانے کی بات کہی جاتی تھی، لیکن حقیقت میں یہ بٹ کوائن اور گوگل کارڈ ان جعلسازوں کے پاس جاتے تھے، جس کے بعد متاثرین کو دھوکہ دہی کا احساس ہوتا تھا۔ اب اس گینگ کے ذریعے تقریباً ساڑھے تین ہزار بیرون ممالک کے لوگوں سے 70 کروڑ کی دھوکہ دہی کی جا چکی ہے۔
ڈی ایس پی انیش رائے نے بتایا کہ ان دنوں ایسے فرضی کال سینٹر کی اطلاع مل رہی تھی۔ جس کے بعد یہ کارروائی کی گئی ہے۔ چھاپے کے دوران 42 لوگوں کو گرفتار کیا گیا ہے، جن میں 26 مرد اور 16 خاتون ہیں۔
مزید پڑھیں:
معاملہ غیر ممالک سے جڑا ہونے کی وجہ سے باریکی سے اس معاملے کی جانچ کی جا رہی ہے اور ڈیجیٹل ڈیوائس کو بھی باریکی سے دیکھا جا رہا ہے تاکہ مزید جانکاری مل سکے۔
