آئی جی آئی ایئرپورٹ پر لاکھوں کا سونا ضبط

اندرا گاندھی انٹرنیشنل ایئرپورٹ کے ٹرمینل تین پر کسٹم ڈپارٹمنٹ نے ایک مسافر کے پاس سے 558 گرام سونا ضبط کیا ہے۔

کسٹم ڈپارٹمنٹ نے آئی جی آئی ایئرپورٹ پر دبئی سے آئے ہوئے ایک مسافر کے پاس سے 558 گرام سونا برآمد کیا ہے جس کی قیمت تقریبا نو لاکھ 82 سے زائد ہے۔

کسٹم ڈپارٹمنٹ کے جوائنٹ کمشنر نیرنجن سی سی نے بتایا کہ دبئی سے دہلی آئے مسافر نے جب گرین چینل کراس کیا تو کسٹم افسروں کو اس پر شک ہوا، جس کے بعد کسٹم افسروں نے اس کی تلاشی لی۔

تلاشی کے دوران اس کی پگڑی سے براؤن پیسٹ کے دو پیکٹ ملے، جس میں سے 588 گرام سونے کا کٹ پیس برآمد ہوا۔

کسٹم افسروں نے اسے سیکشن 104 کے تحت گرفتار کرلیا ہے، جب کہ برآمد ہوئے سونے کو سیکشن 110 کے تحت ضبط کرلیا گیا۔