انجیلا مرکل نے کشمیر کے حالات پر اپنی تشویش کا اظہار کرتے ہوئے کہا کہ وہاں کی صورتحال مستقل نہیں ہے۔
بھارت اور جرمنی کے درمیان دہشت گردی کے خاتمہ کےلیے مشترکہ طور پر کام کرنے پر رضامندی کے کچھ گھنٹوں بعد ہی انجیلا مرکل کا کمشیر پر یہ بیان سامنے آیا ہے۔
انہوں نے مزید کہا کہ کشمیر کے حالات میں یقینی طور پر تبدیلی ہوگی۔
مرکل نے کہا کہ فی الحال وادی میں صورتحال مستقل نہیں ہے اور نہ ہی اچھی ہے لیکن اس میں تبدیلی یقینی ہے۔
جرمن صحافیوں کے ایک گروپ سے خطاب کرتے ہوئے انجیلا مرکل نے کہا کہ وادی کے حالات کو بہتر بنانے کے لیے اقدامات کرنا ضروری ہے۔
بھارتی عہدیداروں کے مطابق کشمیر کے حالات دونوں ممالک کے درمیان باہمی بات چیت پر اثر انداز نہیں ہوں گے۔
