دہلی تشدد: انکت شرما کیس کی چارج شیٹ تیار

چارج شیٹ تیار کرتے وقت تمام پہلوؤں کو دھیان میں رکھا گیا ہے اور اس میں زیادہ سے زیادہ ثبوت شامل کیے گئے ہیں۔

دہلی پولیس کی کرائم برانچ جلد ہی شمال مشرقی دہلی فسادات کے دوران ہلاک ہونے والے انکت شرما کیس میں چارج شیٹ داخل کرنے جارہی ہے۔

کرائم برانچ سے وابستہ ذرائع نے بتایا کہ چارج شیٹ تیار کرلی گئی ہے اور بہت جلد عدالت میں پیش کیا جائے گا۔

ذرائع نے بتایا کہ 'انکت شرما قتل کیس کے تمام ملزمان کو پہلے ہی گرفتار کرلیا گیا ہے اور ان سے تفتیش کے دوران کرائم برانچ کو اس بات کے پختہ ثبوت ملے ہیں کہ انکیت شرما قتل کیس میں ان کا کردار ہے۔ اس کو مدنظر رکھتے ہوئے چارج شیٹ تیار کرلی گئی ہے اور بہت جلد ہی چارج شیٹ عدالت میں پیش کردی جائے گی۔

چارج شیٹ تیار کرتے وقت تمام پہلوؤں کو دھیان میں رکھا گیا ہے اور اس میں زیادہ سے زیادہ ثبوت شامل کیے گئے ہیں۔ تاکہ ملزم کو کڑی سزا مل سکے۔ اس کے ساتھ ہی ایف ایس ایل اور فرانزک ٹیم کی رپورٹس کو بھی چارج شیٹ میں شامل کیا گیا ہے۔

بتادیں کہ 25 اور 26 فروری کو شمال مشرقی دہلی کے چاند باغ کے علاقے میں تشدد کے دوران آئی بی ملازم انکیت شرما کو چاقو سے مارا گیا تھا۔ اس کی لاش 2 دن بعد چاند باغ کے علاقے میں نالے سے برآمد کی گئی تھی۔

کرائم برانچ اس پورے معاملے کی تحقیقات کر رہی ہے۔