دہلی میں کورونا کی صورتحال پر دوسرے دور کی بات چیت جاری

دہلی کے لیفٹیننٹ گورنر انیل بیجل اور وزیراعلیٰ اروند کیجریوال دہلی میں واقع وزارت داخلہ امور کے دفتر پہنچ گئے جہاں مرکزی وزیر داخلہ امت شاہ، وزیر صحت ہرش وردھن مختلف میونسپل کارپوریشنز کے میئرز و دیگر کے ساتھ ایک اجلاس منعقد کیا گیا ہے۔

اجلاس میں کورونا صورتحال پر غور و خوص کیا جارہا ہے جبکہ یہ دوسرے دور کی بات چیت ہے۔ اس سے قبل ڈاکٹر ہرش وردھن اور امت شاہ نے ایک اجلاس منعقد کیا تھا جس میں انیل بائجل اور اروند کیجریوال نے شرکت کی تھی۔ اس اجلاس میں بھی قومی دارالحکومت میں کورونا وائرس کی صورتحال پر تبادلہ خیال کیا گیا تھا۔

قبل ازیں منعقدہ اجلاس کے بعد امت شاہ نے دہلی کے کنٹینمنٹ زونز میں جامع سروے کرنے پر زور دیا تاکہ کورونا کے پھیلاؤں کو روکا جاسکے۔

اجلاس میں کورونا وائرس کی سنگین صورتحال اور حکومت کے اقدامات کا تفصیلی جائزہ لیا گیا، اجلاس میں اسٹیٹ ڈیزاسٹر منیجمنٹ اتھاریٹی کے ارکان نے بھی شرکت کی۔