ضلع مجسٹریٹ سہاس ایل وائی کو پانچ انکریمنٹ اور 4 کروڑ روپے کے نقد انعام

وزیر اعلیٰ یوگی آدتیہ ناتھ نے بیڈمنٹن کھلاڑی اور نوئیڈا کے ضلع مجسٹریٹ سہاس ایل وائی کو پانچ انکریمنٹ اور 4 کروڑ روپے کے نقد انعام کا اعلان کیا۔ یہ اپنے آپ میں ایک ریکارڈ ہے، ملک میں یہ پہلا موقع ہے جب کسی آئی اے ایس کو بیک وقت پانچ انکریمنٹ دیے گئے ہیں۔

اتر پردیش کے میرٹھ میں اولمپک تمغہ جیتنے والوں کے اعزاز میں منعقد ایک پروگرام میں ریاست کے وزیر اعلیٰ یوگی آدتیہ ناتھ نے بیڈمنٹن کھلاڑی اور نوئیڈا کے ضلع مجسٹریٹ سہاس ایل وائی کو پانچ انکریمنٹ اور 4 کروڑ روپے کے نقد انعام کا اعلان کیا۔ یہ اپنے آپ میں ایک ریکارڈ ہے، ملک میں یہ پہلا موقع ہے جب کسی آئی اے ایس کو بیک وقت پانچ انکریمنٹ دیے گئے ہیں۔

ضلع مجسٹریٹ سہاس ایل وائی کو پانچ انکریمنٹ اور 4 کروڑ روپے کے نقد انعام

پورے ملک میں آزادی کے بعد یہ پہلا موقع ہے جب کسی آئی اے ایس افسر کو اس طرح ایک ساتھ پانچ انکریمنٹ ملے ہیں۔ اس کے علاوہ وہ ملک کے پہلے آئی اے ایس افسر ہیں جنہوں نے پیرا اولمپکس میں بیڈمنٹن میں چاندی کا تمغہ جیتا ہے۔ ان کے لیے ارجن ایوارڈ کا بھی اعلان کیا گیا ہے۔

ڈسٹرکٹ مجسٹریٹ سہاس ایل وائی کا کہنا ہے کہ انہوں نے کبھی سوچا بھی نہیں تھا کہ انہیں اتنی عزت ملے گی۔ یہ سال 2021 ان کے لیے یادگار بن گیا ہے۔ انہیں ایک الگ پہچان ملی ہے۔ اس کھیل نے اس سال انہیں سب کچھ دیا ہے۔ جس کا تصور بھی نہیں کیا جا سکتا تھا۔ ملک بھر سے انہیں عزت و احترام ملا ہے۔

اپنے شوق کو ہمیشہ زندہ رکھیں

وہ اس کامیابی کو اپنے شوق، جنون اور جذبہ کی فتح قرار دیتے ہیں۔ انہوں نے نوجوانوں سے کہا کہ وہ اپنے شوق کو ہمیشہ زندہ رکھیں اور اس کے لیے وقت نکالیں اور خود اعتمادی کو کبھی ختم نہ ہونے دیں۔ اس سے آپ تاریخ رقم سکتے ہیں۔