راہل کو گالی دینے کے لیے ملک نے مودی ، شاہ کو اقتدار نہیں سونپا: کانگریس

کانگریس نے وزیر اعظم نریندر مودی اور وزیر داخلہ امت شاہ پر ملک کو 1947 کے حالات میں لاکر کھڑا کرنے کا الزام لگاتے ہوئے کہا ہے کہ عوام نے انہیں کانگریس کے سابق صدر راہل گاندھی کو گالی دینے کے لئے نہیں بلکہ روزگار پیدا کرنے کے لئے اقتدار سونپا ہے۔

کانگریس میڈیا سیل کے انچارج رندیپ سنگھ سرجے والا نے جمعہ کے روز کہا کہ مودی اور شاہ کو ملک کے نوجوانوں کے لئے روزگار کے مواقع تلاش کرنے چاہئے ،گاندھی اور اپوزیشن پارٹیوں کے لیڈروں کو گالی دے کر ان پر اپنی جھنجھلاہٹ نہیں نکالنی چاہئے۔

راہل کو گالی دینے کے لئے ملک نے مودی ، شاہ کو اقتدار نہیں دیا ہے

انہوں نے کہا "مودی جی اور امت شاہ جی، آپ کو وزیر اعظم اور وزیر داخلہ عوام نے کام کرنے کے لئے بنایا ہے، روٹی اور روزگار پیدا کرنے کے لئے بنایا ہے۔

راہل گاندھی اور اپوزیشن پارٹیوں کے رہنماؤں کو گالی دینے کے لئے نہیں، اپوزیشن رہنماؤں کو گالی دینا چھوڑ کر اپنے گریبان میں جھانكے، اپنی جھنجھلاہٹ حریف جماعتوں کے رہنماؤں اور ملک پر کیوں نکال رہے ہیں۔ "

کانگریس لیڈر نے مودی اور شاہ پر سازشی ایجنڈا نافذ کرنے کا الزام عائد کیا اور کہا "آپ نے پورے ملک کو اپنی سازشی اور تقسیم کرنے والے ایجنڈے سے 1947 جیسے حالات پر لا کر کھڑا کر دیا ہے۔

آپ کی اتحادی پارٹی ہی شہریت ترمیمی قانون کو نہیں مان رہے ہیں، اب آپ کی پارٹی کے وزیر اعلی سروانند سونوال نے ہی اسے ماننے سے انکار کر دیا ہے۔

قومی شہریت رجسٹر-اےن آر سی اور شہریت ترمیمی قانون پر آپ کے ہی وزیر اعلی آپ کی بات کاٹ رہے ہیں۔ "

ترجمان نے وزیر اعظم اور وزیر داخلہ کو سب سے پہلے اپنی ہی پارٹی میں ان دونوں مسائل پر حالات ٹھیک کرنے کا مشورہ دیا اور کہا آج آپ کی حالت’’ کھسیانی بلی کھمبا نوچے ‘‘والی ہو گئی ہے۔

پہلے اپنا گھر ٹھیک کیجیے پھر اپوزیشن سے بات کیجئے اور اپنے اس سازشی ایجنڈا کو ملک پر تھوپنا بند کیجیے۔ "