دہلی این سی آر میں کورونا وائرس کی دستک کے بعد ڈی ایم آر سی بھی مستعد ہو گیا ہے۔ یہاں ہر روز 30 لاکھ سے زیادہ لوگ میٹرو میں سفر کرتے ہیں، جس کی وجہ سے ڈی ایم آر سی کی جانب سے مناسب اقدامات کیے جارہے ہیں۔
کورونا وائرس: میٹرو مسافرین کے لیے ضروری اقدامات اس کے تحت جہاں ایک طرف میٹرو اسٹیشنوں پر صفائی ستھرائی میں اضافہ کیا جارہا ہے وہیں دوسری طرف مسافروں کو آگاہ کرنے کے لیے بھی مناسب انتظامات کیے جارہے ہیں۔
ڈی ایم آر سی کے مطابق حال ہی میں دہلی این سی آر میں کورونا وائرس سے متعلق کچھ معاملات کی اطلاع ملی ہے، جس کے بعد میٹرو میں سفر کرنے والے مسافروں کی جانب سے کچھ اقدامات اٹھائے گئے ہیں۔
دہلی میں میٹرو کے تمام ملازمین سے متعلق معلومات دینے کے ساتھ، انہیں بتایا گیا ہے کہ کورونا وائرس سے بچنے کے لیے کیا کرنا اور کیا نہیں کرنا چاہیے۔
کورونا وائرس سے متعلق راجیو چوک، کشمیری گیٹ، سنٹرل سیکرٹریٹ، چاندنی چوک، اور نئی دہلی جیسے میٹرو اسٹیشنوں پر ڈیجیٹل بورڈ لگائے گئے ہیں۔
کورونا وائرس: میٹرو مسافرین کے لیے ضروری اقدامات اس بارے میں معلومات ہندی اور انگریزی میں لوگوں کو دی جارہی ہے۔ لوگوں کو آگاہ کرنے کے لیے، نیٹ ورک میں میٹرو اسٹیشنوں کی ایک بڑی تعداد میں ڈسپلے بورڈز بھی لگائے جارہے ہیں تاکہ مسافروں کو اس سے آگاہ کیا جاسکے۔
ڈی ایم آر سی کا کہنا ہے کہ ان کے تمام میٹرو اسٹیشنوں پر صفائی کی فریکوئنسی بڑھا دی گئی ہے۔ اس کے تحت پہلے کے مقابلے میں کم وقت میں بار بار اسٹیشن کی صفائی کی جارہی ہے تاکہ مسافروں کو کسی قسم کی تکلیف کا سامنا نہ کرنا پڑے۔
