دہلی میں کورونا سے صحتیابی کی شرح میں گراوٹ

دارالحکومت دہلی میں کورونا وائرس کا خطرہ بڑھتا ہی جارہا ہے اور نئے معاملوں کے مقابلے میں صحتیاب ہونے والوں کی تعداد کم ہونے سے صحتیابی کی شرح جزوی گراوٹ کے ساتھ 88.91 فیصد پر آگئی۔

فکر کی بات یہ ہے کہ دہلی میں گزشتہ 24 گھنٹوں کے دوران صحتیاب مریضوں کے مقابلے میں نئے زیرعلاج معاملے بھی 14,700 سے زائد ہوگئے ہیں۔

دہلی حکومت کی وزارت صحت کے مطابق، اس عرصے کے دوران کورونا وائرس (کووڈ 19) کے 2،024 نئے کیسز سامنے آئے ، جبکہ 1،249 مریض صحتیاب ہوئے ہیں۔

اتوار کے روز دارالحکومت میں متاثرہ مریضوں کی مجموعی تعداد ایک لاکھ 73 ہزار 390 ہوگئی۔ اس مدت کے دوران کرونا وائرس پر قابو پانے والوں کی تعداد 1،54،171 ہوگئی ہے۔

ملک میں دہلی کا شمار سب سے زیادہ ریکوری شرح والی ریاستوں میں ہے لیکن تشویش کی بات یہ ہے کہ ٹھیک ہونے والوں کی تعداد نئے مریضوں کے مقابلہ میں کم رہنے سے آج ریکوری شرح میں صرف 89.23 فیصد سے نیچے 89.91 فیصد رہ گئی۔

راجدھانی میں کورونا وائرس انفیکشن سے آج مزید 22 مریضوں کی موت ہوگئی انہیں ملاکر اس جان لیوا وائرس سے اب تک 4,426 لوگوں کی موت ہوچکی ہے۔