کانگریس کارکنان کا کیجریوال حکومت کے خلاف احتجاج

لاک ڈاؤن کی وجہ سے ملک کی غریب عوام پہلے ہی پریشان ہے، کورونا نے کاروبار بند کروا دیے، لاکھوں لوگوں کی نوکریاں چلی ہو گئیں ہیں تو وہیں پٹرول اور ڈیزل کی بڑھتی قیمتیں مرکزی اور ریاستی حکومت کی طرف سے عوام کو ایسا تحفہ ہے جو عوام کسی صورت میں قبول کرنے کو تیار نہیں ہے۔

دارالحکومت دہلی میں پیٹرول اور ڈیزل کی بڑھتی قیمتوں کے خلاف سیاسی پارٹیوں کے علاؤہ عوام بھی سڑکوں پر اتر کر اپنا احتجاج درج کرا رہے ہیں اور ڈیزل ،پیٹرول کی قیمتوں کو فوری کم کرنے کا مطالبہ بھی کیا جا رہا ہے۔

کانگریسی کارکنان نے دہلی کے مٹیالہ اسمبلی میں کرولا وارڈ کے بلاک صدر راج پال سولنکی کی اور پردھان دھرمیندر مانجھی کی قیادت میں علاقائی رکن اسمبلی گلاب سنگھ کے دفتر میں جاکر دہلی سرکار کے نام میمورنڈم پیش کیا۔

کانگریسی کارکنان نے دہلی سرکار کے خلاف نعرہ بازی کرتے ہوئے ہوئے رکن اسمبلی کے دفتر تک احتجاجی مارچ کیا اور اس عزم کا اعادہ کیا کہ جب تک ڈیزل،پیٹرول کی بڑھی ہوئی قیمتیں کم نہیں ہوتیں ہمارا احتجاج جاری رہے گا۔