دہلی: کانگریس کا تیمار پور میں 4000 پودے لگانے کا ہدف

دہلی میں کانگریس کا تیمار پور وارڈ میں 4000 پودے لگانے کا ہدف مقرر کیا ہے۔ اس مشن کے تحت پارکوں میں پودے لگائے گئے ہیں۔

کانگریس نے شمالی دہلی کے تیمار پور وارڈ میں 4000 پودے لگانے کا ہدف مقرر کیا ہے۔ اس مشن کے تحت کانگریسی رہنماؤں نے تیمار پور وارڈ میں پارک کے اندر پودے لگائے ہیں۔ تیمار پور کے تمام پارکوں میں جو پودے پہلے لگائے گئے تھے وہ مرجھا چکے ہیں۔ان مقامات پر اب نئے سرے سے شجر کاری مہم شروع کی گئی ہے۔

اس سلسلے میں کانگریس کے رہنما کپتان سنگھ سانگوان نے کہا کہ تیمار پور وارڈ میں پودے لگانے کے بعد پھر وہ دوسرے وارڈوں کی طرف بڑھیں گے۔

ان کا کہنا ہے کہ مان سون کے دنوں میں پودے لگانے سے پودوں کی بقا اور نشوونما کے امکانات بھی بڑھ جاتے ہیں اور اس دوران ہم سب کو مل کر کوشش کرنی چاہئے کہ اپنے علاقوں میں زیادہ سے زیادہ پودے لگائیں اور ان کی دیکھ بھال بھی کریں۔

پودوں کی دیکھ بھال کے ساتھ ساتھ شجرکاری کا بھی خاص خیال رکھنے کی ضرورت ہے۔

اس وقت فضائی آلودگی میں اضافے دیکھنے کو مل رہا ہے۔ شجرکاری سے ہم کافی حد تک اس پر قابو پا سکتے ہیں۔ اسی تناظر میں کا نگریس کی یہ مثبت کوشش ہے جو آگے بھی جاری رہے گی۔