نئی دہلی: کانگریس نے کہا ہے کہ وزیر اعظم نریندر مودی کی فطرت ہے کہ وہ سیاسی فائدے کے لیے ہر موقع کا استعمال کرتے ہیں اور اسی ضمن میں وہ تقسیم ہند سانحہ کا سیاسی فائدہ اٹھانے کے لیے تقسیم کی زیادتیوں کا یادگاری دن ' وبھیسیکا اسمرتی دیوس' منا کر سیاسی فائدہ اٹھانے کی کوشش کررہے ہیں۔ Congress Slams BJP
کانگریس کے میڈیا ڈپارٹمنٹ کے سربراہ جے رام رمیش نے اتوار کے روز یہاں ایک بیان میں کہا کہ 14 اگست کو تقسیم کی زيادتیوں کے یادگاری دن کے طور پر منانے کے پیچھے وزیر اعظم کا اصل مقصد انتہائی تکلیف دہ تاریخی واقعات کو اپنے سیاسی فائدے کے لیے استعمال کرنا ہے۔ اس سانحے میں لاکھوں لوگ بے گھر ہوئے اور لاکھوں لوگ اپنی جانوں سے ہاتھ دھو بیٹھے تھے۔ ان کی قربانیوں کو فراموش نہ کیا جائے اور نہ ہی ان کی تذلیل کی جائے۔
انہوں نے کہا کہ'نفرت اور تعصب کو ہوا دینے کے لیے ملک کی تقسیم کے سانحے کا غلط استعمال نہیں کیا جانا چاہیے۔ سچ یہ ہے کہ ویر ساورکر نے دو قومی نظریہ پیش کیا تھا اور جناح نے اسے آگے بڑھایا۔ سردار پٹیل نے لکھا تھا کہ 'مجھے لگتا ہے کہ اگر تقسیم کو قبول نہیں کیا گیا تو ہندوستان کئی ٹکڑوں میں تقسیم ہو جائے گا"۔