'بیان بازی سے لوگوں کا پیٹ نہیں بھرتا'

حزب اختلاف کے قدآور رہنما ملک ارجن کھڑگے نے ملک کی بگڑتی ہوئی معیشت پر وزیر اعظم نریندر مودی پر نکتہ چینی کی اور کہا کہ 'بیان بازی سے لوگوں کا پیٹ نہیں بھرتا'۔

کانگریس رہنما ملک ارجن کھڑگے نے ایک سوال کے جواب میں طنزیہ طور پر کہا کہ 'اگر معیشت کی حالت سے عوام خوش ہیں، بے روزگاری کی صورتحال سے خوش ہیں اور جی ڈی پی ٹھیک ہے تو کیا کر سکتے ہیں، جبکہ میری نظر میں صورت حال بہتر نہیں'۔

انھوں نے مزید کہا کہ 'معیشت کی حالت بہت خراب ہے، بے روزگاری بڑھ رہی ہے، لوگوں کو روزگار نہیں مل رہا۔ تقاریر سے کسی کا پیٹ نہیں بھرتا اصل میں لوگوں کو کیا مل رہا ہے یہ دیکھنا چاہیے'۔