'مودی کی یہ جیت نہیں ای وی ایم کا گھوٹالا ہے'

سنہ 2019 کے پارلیمانی انتخابات میں این ڈی اے کو بھاری اکثریت سے فتحیاب ہونے کے بعد لوگوں میں چہ می گوئیاں جاری ہیں۔

ایسے میں کانگریس کے دلی پردیش اقلیتی سیل کے سرگرم رکن عامر خان سے خصوصی بات چیت کی گئی۔ انہوں نے کہا کہ یہ کامیابی ای وی ایم گھوٹالے کی وجہ سے ہوئی ہے اور عوام وزیراعظم کو کبھی معاف نہیں کریں گے۔

انہوں نے کہا کہ گزشتہ پانچ برسوں کے دوران مودی حکومت مسلمان، دلت کے خلاف جو پالیسی اپنائی اس سے آئندہ پانچ برسوں کااندازہ لگایا جا سکتا ہے ۔

عامر نے کہا کہ مودی حکومت کے دوران میں خواتین بھی محفوظ نہ رہ سکیں۔ اس مرتبہ ان سے کوئی امید نہیں کر سکتے ہیں۔