کانگریسی رہنما بی جے پی میں شامل

بی جے پی ریاستی صدر کی پریس کانفرنس کے دوران بابر پور حلقہ کے کانگریسی رہنما نے اپنے حامیوں کے ساتھ بی جے پی کی رکنیت اخیتار کی۔

قومی دارالحکومت دہلی میں بھارتی جنتا پارٹی (بی جے پی) کے ریاستی صدر منوج تیواری کی پریس کانفرنس کے دوران بابر پور اسمبلی حلقہ سے کانگریس رہنما محمد پرویز عالم نے اپنے حامیوں کے ساتھ بی جے پی میں شمولیت اختیار کرلی۔

پریس کانفرنس کے دوران منوج تیواری نے صحافیوں سے گفتگو کرتے ہوئے دہلی کے وزیراعلیٰ اروند کیجریوال پر سوال کھڑے کرتے ہوئے کہا کہ 55 ماہ سے اروند کیجریوال، مودی حکومت پر الزام لگاکر کام کرنے سے بچتے رہے، لیکن اب دو مہینے سے وہ جو کام کررہے ہیں کیا اب انہیں کام کرنے میں کوئی دشواری نہیں ہورہی؟

کانگریسی رہنما بی جے پی میں شامل

حالانکہ اب بھی نہ تو مرکز میں مودی حکومت ختم ہوئی ہے اور نہ ہی دہلی کو مکمل ریاست کا درجہ ملا ہے تو اب ایسا کیا ہوگیا؟

منوج تیواری نے کہا کہ دراصل اب کیجریوال کو اپنی ہار نظر آرہی ہے اسی لیے وہ گھبرا کر نئے نئے اعلانات کررہے ہیں۔

انہوں نے مزید کہا کہ عوام کو معلوم ہے کہ ان کے اعلانات کو پائے تکمیل تک پہنچایا نہیں جاسکتا کیونکہ ان کی مدد ہی ختم ہورہی ہے۔