دہلی میں امروہہ کا نام روشن کرنے والا نوجوان

ریاست اتر پردیش کے ضلع امروہہ کے بچرون قصبے سے تعلق رکھنے والے کانگریس کے رہنما عدنان اشرف دہلی میں رات دن عوام کی خدمات کر اپنے شہر کا نام روشن کر رہے ہیں۔

لاک ڈاؤن کے دوران عدنان اشرف نے دہلی کے مختلف علاقوں کا دورہ کیا اور اور غریب مزدوروں کی مدد کی۔ ابھی تک عدنان اشرف کے ذریعہ تقریبا 250 خاندان اور سینکڑوں مزدوروں کو راشن اور کھانا پہنچایا گیا ہے۔ عدنان اور ان کی ٹیم مسلسل لوگوں کی خدمت کر رہی ہے۔ عدنان اور ان کی ٹیم کا ارادہ ہے کہ لاک ڈاؤن کی مدت تک اس خدمت کو جاری رکھیں گے۔

عدنان اشرف نے بتایا کہ 'لاک ڈاؤن کے دوران ملک کے حالات بہت خراب ہو چکے ہیں۔ ہمیں اس بات کا بہت غم ہے'۔

انہوں نے بتایا کہ انہوں نے دہلی میں مختلف مقامات پر غریبوں کی مدد کی۔ جس نے انہیں فون کر کے مدد مانگی ان کی مدد کی۔

عدنان نے بتایا کہ 'ہم نے کچھ لوگوں کا علاج کرایا ہے۔ جو لوگ گھر کا کرایا نہیں دے پا رہے تھے ان کے گھر کا کرایا دیا ہے۔ ہم یہ مدد تب تک جاری رکھیں گے جب تا لاک ڈاؤن رہتا ہے'۔