بھگت سنگھ، راج گرو اور سکھ دیو کو بھارت رتن دینے کا مطالبہ

کانگریس کے سینیئر رہنما اور ممبر پارلیمان منیش تیواری نے شہید بھگت سنگھ راج گرو اور سکھ دیو کو بھارت رتن دینے کا وزیر اعظم نریندر مودی مطالبہ کیا ہے۔

کانگریس کے رہنما منیش تیواری نے وزیر اعظم کو خط لکھ کر اس طرف ان کی توجہ مبذول کرائی ہے۔

کانگریس کے سینئیر رہنما اور ممبر پارلیمان منیش تیواری

انہوں نے اگلے برس 26 جنوری کو تینوں شہیدوں کو بھارت رتن سے نوازنے اور رسمی طور پر 'شہید اعظم' اعلان کرنے کی درخواست کی ہے۔

انہوں نے کہا کہ 'شہید بھگت سنگھ، راج گرو اور سکھ دیو نے برطانوی حکومت کے خلاف اعلی ترین قربانی دے کر محبان وطن کی ایک پوری نسل کو متحرک کیا۔'

تیواری نے چندی گڑھ ہوائی اڈے کا نام شہید اعظم شہید بھگت سنگھ کرنے کی بھی درخواست کی۔

انہوں نے کہا کہ 'یہ فیصلہ ملک کے 124 کروڑ لوگوں کے دلوں اور جذبات کے مطابق ہوگا۔'

خیال رہے کہ انگریزوں نے بھگت سنگھ، راج گرو اور سکھ دیو کو 23 مارچ 1931کو پھانسی دے دی تھی۔