Uniform Civil Code کیا لوک سبھا انتخابات کے پیش نظر یکساں سول کوڈ کو موضوع بحث بنایا جارہا ہے، کپل سبل

لوک سبھا انتخابات 2024 سے پہلے ملک میں یکساں سول کوڈ کو لے کر بحث شروع ہو گئی ہے۔ اس معاملے کو لے کر اپوزیشن پارٹیاں مرکز کو نشانہ بنا رہی ہیں۔ سابق وزیر قانون کپل سبل نے یکساں سول کوڈ سے متعلق وزیر اعظم نریندر مودی کے ریمارکس پر نکتہ چینی کی۔ Cong leader Kapil Sibal tagets modi govt on uniform civil code

نئی دہلی: سابق وزیر قانون کپل سبل نے یکساں سول کوڈ سے متعلق وزیر اعظم نریندر مودی کے ریمارکس پر طنز کرتے ہوئے سوال کیا کہ ان کی تجویز کتنی ممثل ہے، کیا ہندو، قبائلی اور شمال مشرقی سبھی اس کے تحت آئیں گے۔ دراصل وزیر اعظم مودی نے منگل کو بھوپال میں یکساں سول کوڈ کی وکالت کی اور کہا کہ آئین تمام شہریوں کے لیے مساوی حقوق کی بات کرتا ہے۔ وزیر اعظم نے یہ بھی الزام لگایا کہ اپوزیشن جماعتوں نے یکساں سول کوڈ کے معاملے کو مسلمانوں کو گمراہ کرنے اور اکسانے کے لیے استعمال کیا۔

راجیہ سبھا کے رکن کپل سبل نے بدھ کو ٹویٹ کیا کہ وزیر اعظم نے یکساں سول کوڈ پر اصرار کیا... اپوزیشن پر مسلمانوں کو اکسانے کا الزام لگایا.. پہلا سوال یہ ہے کہ آخر نو سال بعد ایسا کیوں؟ 2024 (انتخابات کے لیے)؟ دوسرا سوال یہ ہے کہ آپ کی تجویز کتنی مماثل ہے، کیا قبائلی اور شمال مشرقی سبھی اس کے تحت آئیں گے؟ تیسرا سوال، آپ کی پارٹی ہر روز مسلمانوں کو کیوں نشانہ بناتی ہے؟ اب آپ فکرمند کیوں ہورہے ہیں؟

اہم بات یہ ہے کہ لاء کمیشن نے 14 جون کو یکساں سول کوڈ پر ایک تازہ مشاورتی عمل شروع کیا تھا اور اسٹیک ہولڈرز بشمول عوام اور تسلیم شدہ مذہبی تنظیموں سے کہا تھا کہ وہ 13 جولائی تک سیاسی طور پر حساس معاملے پر اپنے خیالات کو واضح کریں، جس کے بعد سیاسی جماعتوں کی جانب سے ردعمل سامنے آرہے ہیں۔ آپ کو بتادیں کہ 2024 کے لوک سبھا انتخابات سے پہلے یہ ایک بڑا مسئلہ بن سکتا ہے۔ مرکز کی مودی حکومت اسے لاگو کرنے کے حق میں ہے۔ ساتھ ہی اپوزیشن جماعتوں نے اس کی مخالفت کی ہے۔