قومی دارالحکومت دہلی کے راوز ایوینیو میں واقع ایوان غالب میں آج مولانا ابوالکلام آزاد کی یوم پیدائش کی مناسبت سے نیشنلسٹ کانگریس پارٹی کے اقلیتی سیل کی جانب سے یک روزہ قومی سیمینار کا انعقاد کیا گیا،جس میں این سی پی کے قومی صدر شرد پوار سمیت مختلف دانشوران نے بڑی تعداد میں شرکت کی۔Many political leaders remembered the services of Maulana Azad
مولانا آزاد کے خدمات کو یاد کیا اس کانفرنس کے دوران اپنے خیالات کا اظہار کرتے ہوئے شرد پوار نے کہا کہ یہ بہت ہی خوشی کی بات ہے کہ ہم لوگ آج مولانا ابو الکلام آزاد کو یاد کرنے کے لیے اکھٹا ہوئے ہیں۔ مولانا آزاد نے اپنی ساری زندگی اپنے ملک کے لیے وقف کی ہوئی تھی، انہوں نے نہ صرف بھارت کی جنگ آزادی میں ایم کردار ادا کیا بلکہ تقسیم ہند کے بعد بھی اہم فرائض انجام دئے۔انہوں نے مزید کہا کہ مولانا ابو الکلام آزاد کی پیدائش مکہ مکرمہ میں ہوئی تھی وہ کم عمری میں ہی بھارت آ گئے تھے۔ جب وہ 12 برس کے تھے تو ان کی ذہانت 30 سالہ نوجوان کے برابر تھی انہوں نے صرف آزاد ہندوستان کی تعلیمی پالیسی تیار کی بلکہ متعدد ایسے ادارے بھی قائم کیے جنہوں نے بعد میں ملک کا نام روشن کیا۔وہیں اس کانفرنس کے کنوینر اور این سی پی اقلیتی سیل کے صدر سراج مہدی کا کہنا تھا کہ آج ہم مولانا ابو الکلام آزاد کا یوم پیدائش کی مناسبت سے منعقدہ اس تقریب میں جمع ہوئے ہیں۔ ملک کی تعلیمی نظام کو قائم کرنے والے مولانا ابو الکلام آزاد سے متعلق پہلوں کو آج مسخ کرنے کوششیں کی جا رہی ہیں موجودہ حکومت آج تعلیم کو بھگوا رنگ دینے پر آمادہ ہے۔اسی موضوع پر تمام دانشوران نے تبادلہ خیال کیا ۔اور ملک میں اقلیتی برادری کے خلاف ہو رہی سازشوں کے خلاف حکمت عملی تیار کی گئی تاکہ آئندہ دنوں میں ہونے والے انتخابات میں اسے عوام کے سامنے پیش کیا جا سکے۔
