غیر ملکی مشنوں کیلئے علاج کا مکمل انتظام: وزارت خارجہ

حکومت نے علاج و معالجے کی تمام ضروریات کو پورا کرنے کے لئے یہاں موجود تمام غیر ملکی مشنوں کے عہدیداروں اور عملے کے انتظامات کئے ہیں اور ان پر زور دیا ہے کہ وہ آکسیجن سمیت کسی بھی چیز یا دوا کو غیر ضروری طور پر جمع نہ کریں۔

وزارت خارجہ کے ترجمان ارندم باگچی نے یہاں صحافیوں کے ایک سوال کے جواب میں کہا کہ وزارت خارجہ میں پروٹوکول کے سربراہ اور محکمہ جات کے سربراہان ہندوستان میں واقع تمام ہائی کمیشنوں اور سفارتخانوں سے قریبی رابطے میں ہیں اور ان کی طبی ضرورتوں خاص کر کووڈ سے متعلق علاج کی ضرورتوں پر ضرروی کارروائی کررہے ہیں۔ اس میں ان کا اسپتال میں علاج بھی شامل ہے۔

مسٹر باگچی نے کہا کہ وبا کی صورتحال کے پیش نظر ہر ایک سے درخواست کی گئی ہے کہ وہ آکسیجن سمیت ضروری اشیاء کو جمع نہ کریں۔

یو این آئی