'تعلیم کے ساتھ ساتھ کھیلوں کی بہتری کے لئے پرعزم ہیں'

ڈپٹی چیف منسٹر نے کہا کہ بچوں کی 360 ڈگری ڈیولپمنٹ کے ساتھ ساتھ تعلیم کے ساتھ کھیل بھی بہت ضروری ہے۔

دہلی کے نائب وزیر اعلی اور وزیر تعلیم منیش سسودیا نے کہا کہ دہلی حکومت دارالحکومت کے بچوں کو بہتر تعلیم کے ساتھ ساتھ کھیلوں کی بہتر سہولیات کی فراہمی کے لئے بھی پرعزم ہے۔

سسودیا نے ہفتے کے روز مسلسل چوتھے دن دہلی کے متعدد اسکولوں کا دورہ کیا اور وہاں جاری تعمیراتی سرگرمیوں کا جائزہ لیا۔ انہوں نے جی جی ایس ایس ایس کوہاٹ انکلیو کا دورہ کیا اور وہاں کے افسران کو کمپلیکس کا ڈیزائن اوراسپورٹس کمپلیکس بنانے کی ہدایت کی۔ اس اسپورٹس کمپلیکس میں سوئمنگ پول، ٹینس کورٹ اور بیڈ منٹن کورٹ تعمیر کی جائے گی، جو اسکول میں زیر تعلیم طلباء کے ساتھ ساتھ قرب و جوارکے علاقوں کے بچے بھی استعمال کریں گے۔

ڈپٹی چیف منسٹر نے کہا کہ بچوں کی 360 ڈگری ڈیولپمنٹ کے ساتھ ساتھ تعلیم کے ساتھ کھیل بھی بہت ضروری ہے۔ دہلی حکومت بچوں کو بہتر تعلیم کے ساتھ ساتھ کھیلوں کی بہتر سہولیات کی فراہمی کے لئے پرعزم ہے۔ اس سمت میں اپنے اسکولوں کو عالمی معیار کا بنیادی ڈھانچہ بنانے کے ساتھ ریاستی حکومت اس میں عالمی سطح کے کھیلوں کی سہولیات بھی تیار کررہی ہے تاکہ ہمارے بچوں کو کھیلوں کی بہتر سہولیات اور تربیت مل سکے اور وہ ملک کے لئے تمغے لائیں۔

وزیر تعلیم نے جی بی ایس ایس ایس ، پرشانت وہار ، سرودیہ کو ایڈ اسکول سیکٹر 8 روہنی ، جی جی ایس ایس ایس سرسوتی وہار کا بھی دورہ کیا۔ ان اسکولوں میں نئے کلاس رومز کے ساتھ عمارتیں بنانے کا کام تیزی سے جاری ہے۔

یو این آئی