دہلی: وزیر اعلیٰ نے گرو گووند سنگھ اسمارک کا دورہ کیا

دہلی کے سنگھو بارڈر پر واقع گرو گووند سنگھ اسمارک میں پنجاب اکادمی کی جانب سے منعقد ایک کیرتن میں دہلی کے وزیر اعلی اور نائب وزیر اعلی نے شرکت کی اور وہاں دھرنے پر بیٹھے کسانوں سے ملاقات کی۔

دہلی کے وزیر اعلیٰ اروند کیجریوال اور نائب وزیر اعلیٰ منیش سنگھ سسودیا نے سنگھو بارڈر پر واقع گرو گووند سنگھ اسمارک کا دورہ کیا۔ یہاں پنجابی اکادمی کی جانب سے گرو گووند سنگھ کے صاحبزادے کی یاد میں ایک کیرتن کا اہتمام کیا گیا تھا۔

اس دوران وزیر اعلیٰ اروند کیجریوال نے سنگھو بارڈر پر کسانوں سے ملاقات کی اور وہاں لوگوں سے خطاب بھی کیا ساتھ ہی انہوں نے وہاں نئے زرعی قوانین کے خلاف دھرنے پر بیٹھے کسانوں کے تئیں ہمدردی کا اظہار کیا۔

اس موقع پر منیس سسودیا نےکہا کہ' دہلی کے وزیر اعلی اروند کیجریوال کسانوں کی خود دیکھ بھال کر رہے ہیں ان کی خدمت میں کوئی کمی نہیں کی جائے گی۔