'بند شہر، محنت کش مزدوروں کے لئے قبر بنتے جا رہے ہیں'

دہلی کے نائب وزیر اعلی منیش سسودیا نے یوپی کے اوریا میں ہونے والے سڑک حادثے پر اظہار افسوس کرتے ہوئے ٹویٹ کیا کہ 'بند شہر' محنت کش مزدوروں کے لئے قبر بنتے جا رہے ہیں۔

اترپردیش کے ضلع اوریہ میں مہاجر مزدوروں سے بھرا ڈی سی ایم میں ٹرک نے زوردار ٹکر ماری۔ اس ٹکر کی وجہ سے 24 مزدوروں کی موت ہوگئی ہے۔ تو وہیں 15 افراد شدید زخمی ہوئے ہیں۔ زخمیوں کو ڈسٹرکٹ اسپتال اور سیفئی پی جی آئی روانہ کیا گیا۔

اس معاملے پر اظہار افسوس کرتے ہوئے دہلی کے نائب وزیر اعلی منیش سسودیا نے ٹویٹ کرتے ہوئے کہا، 'بند شہر' محنت کش مزدوروں کے لئے قبر بنتے جا رہے ہیں۔ ہمیں کورونا کی موجودگی کو قبول کرتے ہوئے شہر کھولنے کی ہمت ظاہر کرنی ہوگی۔ شرمک ٹرین اور نائٹ شیلٹرز چاہے جتنے بھی ہوں، نقل مکانی کو نہیں سنبھال پائیں گے۔'