بھارت میں اسپوتنک وی ویکسین کا تجربہ شروع

شعبہ صحت کا صف اول ادارہ ڈاکٹر ریڈیز لیبارٹریز لمیٹیڈ اور روسی براہ راست سرمایہ کاری فنڈ (آر ڈی آئی ایف) نے اعلان کیا کہ مرکزی حکومت کی مرکزی ادویات کی لیبارٹری، کسولی سے ضروری منظوری ملنے کے بعد بھارت میں اسپوتنک وی ویکسین کا دوسرے اور تیسرے مرحلے کا تشخیصی تجربہ شروع کر دیا ہے۔

ایک پریس ریلیز میں کہا گیا ہے کہ یہ ایک کثیرالجہتی اور رینڈم کنٹرولڈ اسٹڈی ہوگی جس میں محفوظ مطالعہ اور وجوہات کے سلسلے میں اعداد و شمار یکجا کیے جائیں گے۔

اس ٹیسٹ میں جے ایس ایس میڈیکل ریسرچ انسٹی ٹیوٹ شراکت دار کے طور پر شامل ہو رہا ہے۔ اس کے علاوہ ڈاکٹر ریڈیز لیبارٹریز نے صلاح کار کی معاونت کے لیے بائیوٹیکنالوجی ریسرچ اسسٹنس کونسل (بی آر اے سی)، بائیٹیکنالوجی محکمہ کو بھی ساتھ رکھا ہے اور وہ ویکسین کے لیے ادارے کے طبی جانچ مراکز کا استعمال کرے گا۔

حال ہی میں آر ڈی ایف نے طبی جانچ کے اعداد و شمار کے دوسرے عبوری تجزیہ کا اعلان کیا ہے جس میں کہا گیا ہے ویکسین کے پہلے ڈوز کے 28 دنوں بعد اس کی اثر انگیزی 91.4 فیصد دیکھی گئی ہے اور پہلے ڈوز کے 42 دن کے بعد یہ 95 فیصد پائی گئی ہے۔