قومی دارالحکومت دہلی متصل صنعتی شہر نوئیڈا میں سیکٹر 58 آج صبح پولیس نے انکاؤنٹر میں چار بدمعاشوں کو گرفتار کرلیا ہے جبکہ ایک بدمعاش کے پیر میں پولیس کی گولی لگی ہے۔
پولیس اطلاع کے مطابق دہلی کے درگیش گینگ کے لٹیرے نوئیڈا میں کسی واردات کو انجام دینے کے ارادے سے گھوم رہے تھے۔
پولیس نے رکنے کا اشارہ کیا جس کے جواب میں لٹیروں نے پولیس پر فائرنگ کردی، جوابی کاروائی میں امت عرف موٹا کے پیر میں گولی لگی۔
اس کے بعد بھاگنے کی کوشش کررہے تین لٹیروں مونو، انکت اور امیش کو پولیس نے گرفتار کرلیا۔
پولیس نے ان کے پاس سے طمنچہ کارتوس اور لوٹ کے لیے استعمال کی جانے والی دو بائک اور ایک لوٹا گیا موبائل برآمد کیا ہے۔
واضح رہے کہ پولیس کا کہنا ہے کہ درگیش گینگ ایں سی آر میں لوٹ پاٹ کے لیے جانا جاتا ہے۔
اتناہی نہیں بلکہ درگیش پر 60 سے زائد مقدمات درج ہیں تاہم گولی سے زخمی امت کو درگیش کا دایاں ہاتھ تصور کیا جاتا ہے۔