کوروناوائرس کے سبب بیرونی ممالک میں پھنسے بھارتیوں کو واپس لانے کے منصوبے کے اعلان کے بعد شہری ہوابازی کی وازارت کی ویب سائٹ پر غیر معمولی ٹریفک آیا جس سے ویب سائٹ ڈاؤن ہوگئی ہے۔
وزارت نے آج ایک ٹوئٹ کرکے اس کی اطلاع دی۔ اس نے بتایا کہ ’غیر معمولی‘ ٹریفک کے سبب شہری ہوابازی کی ویب سائٹ ڈاؤن ہے۔
نیشنل انفارمیٹکس سینٹر کی ٹیم اسے ٹھیک کرنے میں مصروف ہے۔
اس تکنیکی خرابی کے سبب اب غیر ممالک میں پھنسے شہریوں کو لانے والی پروازوں کی تفصیلات اور لازمی اہلیت جانکاری ایئر انڈیا کی ویب سائٹ کی بجائے وزارت کی ویب سائٹ پر دستیاب کرائی جائیں گی۔
شہری ہوابازی کے وزیر ہردیپ سنگھ پوری نے منگل کو بتایا تھا کہ 7 مئی سے 13 مئی کے درمیان 64 پروازیں چلائی جائیں گی جن میں 12 ممالک سے 14800 شہریوں کو وطن واپس لایا جائے گا۔
ان سبھی لوگوں کے سفر کا خرچ مسافروں کو خود برداشت کرنا ہوگا۔۔ اس کے ساتھ ہی وطن واپسی پر اپنے خرچ پر 14 دن تک کسی اسپتال میں کوارنٹین میں رہنا ہوگا۔