دہلی: دھوکہ دہی کرنے والا ڈرائیور گرفتار

پی سی آر نے اندرا گاندھی انٹرنیشنل ہوائی اڈے پر مسافروں سے دھوکہ دہی کرنے والے ایک ٹیکسی ڈرائیور کو گرفتار کیا ہے۔ اس شخص نے ایک مسافر کو ٹرمینل تھری سے ون تک لے جانے کے لیے تین ہزار روپے لیے تھے۔

ڈی سی پی شرت سنہا کے مطابق 'پی سی آر وین میں تعینات حولدار دھننجے کمار، کانسٹیبل روی اور بلجیت ائیرپورٹ ٹرمینل ون کے قریب تعینات تھے۔ اسی دوران اڑیسہ کا رہائشی راجو منج اس کے پاس پہنچا۔ راجو منج نے بتایا کہ ایک ٹیکسی ڈرائیور نے اسے دھوکہ دیا، ٹیکسی ڈرائیور نے ائیرپورٹ ٹرمینل 3 سے ٹرمینل ایک تک 3000 روپے لے لیے۔

ملزم ٹیکسی ڈرائیور کی تلاش میں پی سی آر نے دوپہر کو اس کی گاڑی کو دیکھا۔ اس نے ڈرائیور کو ٹیکسی روکنے کا اشارہ کیا لیکن پی سی آر کے اشارے کے باوجود اس نے تیز رفتاری سے بھاگنا شروع کردیا۔ پیچھا کرنے کے بعد پی سی آر نے ٹیکسی پکڑی۔

ملزم ٹیکسی ڈرائیور کی شناخت پالم کے رہائشی جوبن گپتا کے نام سے ہوئی ہے۔ اس سلسلے میں گھریلو ایئر پورٹ پولیس اسٹیشن میں ایف آئی آر درج کی گئی اور ملزم کو ان کے حوالے کردیا گیا۔

پولیس کے مطابق گرفتار کیا گیا جوبن گپتا اس سے قبل بھی وہ مجرمانہ واقعات میں ملوث رہا ہے۔ پولیس اس کے ذریعہ پیش آنے والے دیگر واقعات پر پوچھ گچھ کررہی ہے۔