بھارت نے آج مزید 43 چینی ایپز پر پابندی عائد کرنے کا اعلان کیا ہے۔ مرکزی حکومت نے انفارمیشن ٹکنالوجی ایکٹ کے 69 اے سیکشن کے تحت ایپز پر پابندی لگادی۔
سرکاری عہدیداروں کے مطابق وزارت انفارمیشن ٹکنالوجی نے وزارت داخلہ کے سائبر کرائم کوآرڈینیشن سنٹر کو موصول رپورٹ کی بنیاد پر 43 ایپز پر پابندی عائد کردی۔
آئی ٹی وزرات کی جانب سے جاری بیان کے مطابق بھارتی خود مختاری اور سالمیت کے خطرہ، بھارت کے تحفظ و حفاظت اور عوامی مفاد کےلیے ان ایپز پر پابندی عائد کی گئی۔
قبل ازیں 29 جون کو مرکزی حکومت نے 59 چینی ایپس پر امتناع عائد کرتے ہوئے کہاتھا کہ وہ ملک کے مجموعی مفادات کے لیے نقصاندہ ثابت ہوسکتے ہیں جبکہ 2 ستمبر کو مزید 118 ایپز پر پابندی عائد کی گئی تھی۔ موجودہ مرکزی حکومت اعلان کے مطابق مزید 43 ایپز کو جن میں زیادہ تر ’ڈیٹنگ ایپز‘ ہیں پر پابندی عائد کردی گئی۔
TAGGED:
Centre bans 43 more apps