پولیس کانسٹبل پر فائرنگ کا لائیو ویڈیو وائرل

دہلی کے بوانا علاقے میں کانسٹبل پر فائرنگ کرتے ہوئے بدمعاش کا سی سی ٹی وی ویڈیو سامنے آیا ہے، جس میں ایک بدمعاش کے پیچھے پولیس کانسٹبل کو بھاگتے ہوئے دیکھا جاسکتا ہے۔

دہلی کے بوانا علاقے میں ایک واردات کو انجام دے کر دو بدمعاش راہل اور دیپک بھاگ رہے تھے، تبھی موقع پر کانسٹبل دنیش پہنچ گئے اور دونوں کو پکڑنے کی کوشش کی، راہل وہاں سے فرار ہوگیا کانسٹبل دنیش بدمعاش دیپک کے پیچھے بھاگنے لگے، پکڑے جانے کے ڈر سے دیپک نے کانسٹبل پر فائرنگ کی، لیکن پھر بھی کانسٹبل نے دیپک کو گرفتار کرلیا۔

اس معاملے کا سی سی ٹی وی ویڈیو بھی تیزی سے وائرل ہورہا ہے، پولیس نے دونوں بدمعاش کو گرفتار کرلیا ہے۔بدمعاش پہلے بھی واردات کے دوران ہریانہ پولیس پر فائرنگ کرچکے ہیں، بدمعاشوں کے قبضے سے دو زندہ کارتوس، ایک دیسی کٹہ ایک بائیک اور ایک اسکوٹی برآمد کی ہے۔