دہلی آتشزدگی: چوتھی منزل پر آگ بجھانے کا کام جاری

دارالحکومت دہلی کے اناج منڈی علاقہ کی ایک فیکٹری میں آج صبح بھیانک آگ لگ گئی۔ فلمستان علاقے میں صبح ساڑھے چار بجے لگی آگ کے اوپر ابھی تک قابو نہیں پایا گیا۔

اب تک مرنے والوں کی تعداد سرکاری افسران کے مطابق 43 بتائی گئی ہے، جبکہ لوک نائک جے پرکاش اسپتال میں 35 افراد کے مرنے کی تصدیق کی ہے۔ اس کے علاوہ 55 سے زائد لوگ زخمی بتائے جا رہے ہیں۔

این ڈی آر ایف کے ڈی سی آدتیہ پرتاپ نے بتایا کہ ان کی 37 رکنی ٹیم اندر پھنسے افراد کو باحفاظت باہر نکالنے کا کام کر رہی ہے۔ انہوں نے بتایا کہ ابھی بھی چار منزل پر آگ نہیں بجھی ہے، جسے بجھانے کے لیے مسلسل جدوجہد جاری ہے۔