قومی دارالحکومت دہلی میں کورونا کے اس دور میں جب سب کی معاشی صورتحال خراب ہے تب ایم سی ڈی ان ڈاکٹرز کی تنخواہوں کو روک رہی تھی اور جب عام آدمی پارٹی نے ایم سی ڈی میں پھیلی اس بدعنوانی کو بے نقاب کیا تو بی جے پی نے ہمیں ہتک عزت کا نوٹس بھیج دیا۔
بدعنوانی کے خلاف آواز اٹھانے پر ہتک عزت کا نوٹس دہلی میں عام آدمی پارٹی کی رکن اسمبلی آتشی نے آج ایک ریاستی دفتر میں ہوئی پریس کانفرنس کے دوران صحافیوں سے گفتگو کی۔
پریس کانفرنس کے بعد میڈیا سے بات چیت میں انہوں نے بتایا کہ ہتک عزت کا نوٹس انہیں اور راگھو چڈھا کو بھیجا گیا ہے۔
انہوں نے کہا کہ کورونا کے اس دور میں جب ڈاکٹر اپنی جان کی بازی لگا کر اپنی خدمات انجام دے رہے ہیں، تب ایم سی ڈی ان کی تنخواہیں روک رہی ہے۔
سکول کے ٹیچرز اور صفائی ملازمین کی بھی تنخواہیں مہینوں سے نہیں ملی اسی معاملہ کو عام آدمی پارٹی نے اٹھایا جس کے بدلے میں بی جے پی کی جانب سے انہیں اور راگھو چڈھا کے خلاف ہتک عزت کا نوٹس بھیج دیا۔
آتشی نے مزید کہا کہ بی جے پی کی قیادت میں کارپوریشن کے ذریعہ ہونے والی بدعنوانی کو عوام کے سامنے لانے کی وجہ سے ہمیں نوٹس بھیجا گیا ہے، جبکہ اس سے قبل سی اے جی نے خود اپنی رپورٹ میں ایم سی ڈی میں ہو رہی بدعنوانی کا ذکر کیا تھا تو کیا بی جے پی سی اے جی کو بھی ہتک عزت کا نوٹس دیں گی؟
