جیت درج کرنے کے بعد دونوں نے ہیڈ کوارٹر جاکر اپنا کام سنبھال لیا ہے۔
اس کے ساتھ ہی شاہدرہ نارتھ زون کے چیئرمین کے عہدے پر بی جے پی کے کونسلر کے کے اگروال اور نائب چیئرمن کے عہدے پر بی جے پی کے کونسلر درگیش تیواری بلا مقابلہ جیت گئے ہیں۔
اس کے علاوہ بی جے پی کونسلر گنجن گپتا شاہدرہ جنوبی زون سے قائمہ کمیٹی کے ممبر کے طور پر منتخب ہوئی ہیں۔
اس موقع پر نومنتخب چیئر پرسن بھاونا ملک نے اعلیٰ قیادت کا شکریہ ادا کرتے ہوئے کہا کہ انہوں نے مشرقی دہلی کے عوام کو یقین دلایا ہے کہ وہ ان کی پریشانیوں پر قابو پانے کے ساتھ ساتھ مشرقی دہلی کے عوام کو کورونا وائرس کے وبا سے بچانے کی پوری کوشش کریں گی۔
انہوں نے کہا کہ اس کے ساتھ ساتھ آبی آلودگی سے پیدا ہونے والی بیماریوں کی روک تھام کے لیے ایک مہم بھی شروع کی جائے گی تاکہ مشرقی دہلی کے عوام کو ڈینگو ، چکن گنیا جیسی بیماریوں سے بچایا جاسکے۔