مسلم خواتین رائے دہندوں سے متعلق بی جے پی کا متنازعہ پوسٹ

دہلی انتخابات کے سلسلہ میں کرناٹک بی جے پی کی جانب مسلم خواتین رائے دہندوں پر ایک متنازعہ ٹوئٹ کیا گیا۔

دہلی اسمبلی انتخابات کےلیے پولنگ کے دوران کرناٹک بی جے پی نے ایک متنازعہ ٹوئٹ کرتے ہوئے مسلم خواتین پر طنز کیا گیا۔

مسلم خواتین رائے دہندوں سے متعلق بی جے پی کا متنازعہ پوسٹ

بی جے پی کی کرناٹک یونٹ نے اپنے ٹوئٹر اکاونٹ پر دہلی انتخابات سے متعلق ایک ویڈیو شیئر کیا ہے جس میں مسلم خواتین کو پولنگ مرکز کے باہر ووٹر آئی ڈی کارڈ دکھاتے ہوئے بتایا گیا جبکہ ٹوئٹ میں مسلم خواتین پر طنز کرتے ہوئے ’کاغذ نہیں دکھائیں گے ہم‘ لکھا گیا ہے۔

ٹوئٹ میں مزید لکھا گیا ہے کہ ’دستاویزات کو حفاظت سے رکھئے، این پی آر کے دوران آپ کو دوبارہ دکھانے ہوں گے‘‘۔

بی جے پی کرناٹک کی جانب سے کئے گئے ٹوئٹ پر عوامی برہمی دیکھی گئی۔ عوام نے اسے ووٹرس پر اثرانداز ہونے بھارتیہ جنتا پارٹی کی ناکام کوشش قرار دیا۔