دارالحکومت دہلی میں اتوار کو ہوئی بارش سے آج موسم خوشگوار ہوگیاہے وہیں تیز ہوا کی وجہ سے روہنی سیکٹر 20 میں درمیانی سڑک پر ایک بہت بڑا درخت ٹوٹ کر گر گیا۔
ٹی پی ڈی ڈی ایل کے ملازموں نے بتایا کہ کہ درخت کے کچھ حصوں کو کاٹ دیا گیا ہے تاکہ بجلی کی تاروں سے کچھ نقصان نہ ہوں۔
وہیں ایک مقامی شخص نے بتایا کہ یہ درخت پہلے ہی جھکا ہوا تھا اور تیز ہوا کی وجہ سے ٹوٹ کر گر گیا۔ پیڑ کے گر جانے کی وجہ سے راہگیروں کو تھوڑی پریشانی ضرور ہو رہی ہے لیکن مقامی لوگوں کا کہنا ہے کہ اچھا ہوا کہ یہ حادثہ صبح کے وقت ہوا اور کسی طرح کا کوئی جانی یا مالی نقصان نہیں ہوا۔
مقامی لوگوں نے پی ڈبلیو ڈی سے مطالبہ کیا ہے کہ اس درخت کو جلد سے جلد ہٹا دیا جائے تاکہ لوگوں کو پریشانیوں سے بچایا جا سکے۔
