بھیم آرمی کے سربراہ چندر شیکھر 14 دن عدالتی تحویل میں

شہریت ترمیمی قانون کے خلاف بھیم آرمی چیف چندر شیکھر آزاد کو 14 دن عدالتی تحویل میں بھیج دیا گیا ہے۔ تیس ہزاری کورٹ نے ان کی ضمانت عرضی کو خارج کردیا۔ گزشتہ روز دہلی پولیس نے ممانعت کے باوجود احتجاج کرنے پر حراست میں لیا تھا تاہم آج انہیں گرفتار کر لیا گیا تھا۔

شہریت ترمیمی قانون کے خلاف پورے ملک میں جاری احتجاج کو بھیم آرمی کی حمایت حاصل ہے اور اس کے سربراہ چندر شیکھر آزاد جمعہ کو دہلی جامع مسجد تا جنتر منتر احتجاج کرنے والے تھے لیکن دہلی پولیس نے انہیں حراست میں لے لیا تھا۔

بشکریہ ٹویٹر

انہوں نے دہلی کی تیس ہزاری کورٹ میں ضمانت کی عرضی دائر کی تھی جس کو کورٹ نے مسترد کردیا اور انہیں 14 دن کی عدالتی تحویل میں بھیج دیا گیا ہے۔

بشکریہ ٹویٹر

واضح رہے کہ اس سے قبل دہلی کی جامعہ ملیہ اسلامیہ یونیورسٹی کے طلبا کی حمایت کے لیے بھی چندر شیکھر آزاد وہاں پہنچے تھے اور مظاہرین کا حوصلہ بڑھایا تھا۔