لگے رہو کیجریوال گانے پر براتی کا رقص

دہلی اسمبلی انتخابات کے مدنظر دہلی کی سیاسی سرگرمیاں تیز ہیں۔ انتخابی تشہیر کے لیے گانے بھی خوب چل رہے ہیں۔ عام آدمی پارٹی نے ' لگے رہو کیجریوال' چناوی گانا جاری کیا ہے۔ اس گانے کو مشہور سنگر وشال ددلانی نے گایا ہے۔

لگے رہو کیجروال گانے کی گونج اب شادیوں میں بھی سنائی دینے لگی ہے۔ حال ہی میں دہلی کے دوراکا علاقے میں دہلی ڈیولپمنٹ اتھارٹی کے کمیونٹی ہال میں ایک شادی تقریب 'لگے رہو کیجریوال' کا گانا خوب چلا۔ اس گانے پر براتی خوب ناچے۔

اطلاع کے مطابق شادی تقریب عام آدمی پارٹی کے کارکن کے اہل خانہ میں تھی۔ ویڈیو میں صاف طور پر دیکھا جا سکتا ہے کہ کس طرح ' لگے رہو کیجریوال' کی دھن پر براتی پورے جوش و خروش کے ساتھ ناچتے نظر آ رہے ہیں۔