چینی ایپس پر پابندی: 'مودی حکومت چینی کمپنیوں کا چندہ واپس کرے'

عام آدمی پارٹی کے رکن پارلیمان سنجے سنگھ نے چینی ایپس پر پابندی عائد کرنے کے مرکزی حکومت کے اقدام پر سوال اٹھائے ہیں۔ اس سلسلے میں سنجے سنگھ نے ٹویٹ کر کے حکومت پر تنقید کی ہے۔ ٹویٹ میں سنجے سنگھ نے حکومت سے کمپنیوں کے چندے کو واپس کرنے کا مطالبہ کیا ہے۔

عام آدمی پارٹی کے رکن پارلیمان سنجے سنگھ نے ٹویٹ کے ذریعے چینی ایپس پر پابندی عائد کرنے کو لیکر مرکزی حکومت کے اقدام پر سوال کھڑے کیے ہیں۔

انہوں نے اپنے ٹویٹ میں لکھا، 'ایپ کو بند کرنے کی نوٹنکی اس لیے کی گئی ہے کہ چندہ کی واپسی کے مطالبے کو پلٹ دیا جائے۔ پے ٹی ایم اور ٹکٹاک سمیت تمام کمپنیوں کی جانب سے پی ای کیئرس میں سیکڑوں کروڑوں کا چندہ لیا گیا ہے۔ اس میں وہ کمپنیاں بھی شامل ہیں جن کے چینی فوج کے ساتھ تعلقات ہیں۔ان کمپنیوں کو چندہ واپس کرو مودی جی۔'

عآپ رہنما سنجے سنگھ کا ٹویٹ

مرکزی حکومت نے پیر کے روز ملک کی خودمختاری، سالمیت اور قومی سلامتی کے لئے متعصبانہ طور پر 59 مختلف قسم کے چینی موبائل ایپس پر پابندی عائد کردی ہے۔ ان ایپس میں ٹکٹاک، شیئر ایٹ اور وی چیٹ جیسی ایپس بھی شامل ہیں۔

واضح رہے کہ پیر کو یعنی 15 جون کو وادی گلوان میں چینی فوجیوں کے ذریعہ شروع کیے گئے پُرتشدد تصادم میں 20 بھارتی فوجی شہید ہو گئے تھے۔ تب سے لوگ ملک میں ہر جگہ چین کے خلاف سراپا احتجاج کر رہے ہیں۔