'بابا رام دیو متنازع بیان دینا چھوڑ دیں'

یوگا گرو بابا رام دیو نے ایک متنازع بیان میں کہا کہ 'بھگوان رام کی پیدائش ایودھیا میں ہوئی تھی، پیغمبرمحمد صلی اللہ علیہ وسلم کی نہیں'۔ اس پر جنتا دل (یونائیٹڈ) کے جنرل سکریٹری پون ورما نے سخت رد عمل کا اظہار کیا ہے۔

جنتا دل (یونائیٹڈ) کے جنرل سکریٹری پون ورما نے جمعہ کے روز بابا رام دیو کو اپنی رائے پر "بھگوان رام کی پیدائش ایودھیا میں ہوئی تھی ، پیغمبراکرمحمد صلی اللہ علیہ وسلم کی نہیں" پر سخت تنقید کا نشانہ بنایا اور کہا کہ یوگا گرو کو اس طرح کے فرقہ وارانہ بیان دینا بند کرنا چاہئے۔
ورما نے مزید کہا ، "ہندوؤں اور مسلمانوں کی اکثریت اس مسئلے کو چھوڑ کر متحدہ بھارت کی طرف آگے بڑھنا چاہے گی۔ بابا رام دیو کے بیانات اس عمل میں مثبت کردار ادا نہیں کرتے ہیں۔"

یوگا گرو بابا رام دیو نے جمعرات کے روز ایودھیا میں رام مندر کی تعمیر کے لئے کہا کہ ، "پوری دنیا اور مسلم کمیونٹی جانتی ہے کہ ایودھیا میں شری رام پیدا ہوئے تھے پیغمبر محمد صلی اللہ علیہ وسلم نہیں،۔ انہوں نے ایک پریس کانفرنس سے خطاب کرتے ہوئے مزید کہا کہ ایودھیا معاملہ اپنے اختتام کے قریب ہے اور متنازعہ اراضی پر رام مندر تعمیر کیا جانا چاہئے۔ "

بابا رام دیو فرقہ وارانہ بیان دینا چھوڑ دیں: جے ڈی (یو)

انہوں نے مزید کہا کہ ایودھیا میں رام مندر کی تعمیر میں کچھ سماجی و سیاسی رکاوٹیں ہیں اور انہوں نے اعتماد کا اظہار کیا کہ مودی شاہ جوڑی ان چیلنجوں پر قابو پانے کی صلاحیت رکھتی ہے۔بابا رام دیو نے کہا: "ایودھیا میں رام مندر تعمیر ہونا چاہئے۔ معاشرتی اور سیاسی سطح پر کچھ رکاوٹیں ہیں۔ مودی جی اور امیت شاہ جی ان چیلنجوں پر قابو پانے کی ہمت رکھتے ہیں۔