’آسام میں بی جے پی کا نیا شگوفہ‘

سابق مرکزی وزیر، اتراکھنڈ کے سابق وزیراعلی اور آسام میں کانگریس کے انچارج ہریش راوت نے ای ٹی وی بھارت سے خصوصی بات چیت میں آسام میں سرکاری نوکریوں کے لیے دو سے کم بچوں کی شرط کو آئین مخالف قرار دیا اور کہا کہ یہ این آر سی سے توجہ ہٹانے کا ایک نیا شگوفہ ہے۔

ہریش راوت نے کہا کہ خدا اور ماں باپ کے درمیان فیصلوں کی سزا بچوں کو دینا کہاں تک صحیح ہے جبکہ اس طرح کے فیصلوں سے بچے زیادہ متاثر ہوں گے۔

انہوں نے ایک سوال کے جواب میں کہا کہ بی جے پی کا جو "گھس پیٹھ" والا جھوٹ تھا، وہ اب ان کے خلاف ہوگیا ہے۔

ہریش راوت نے مزید کہا کہ این آر سی سے سب کی توجہ ہٹانے کےلیے ’دو بچوں‘ کا شگوفہ چھوڑا گیا ہے۔