Jamiat Ulema e Hind Meeting 'یہ ملک جتنا وزیر اعظم مودی اور موہن بھاگوت کا ہے اتنا ہی محمود مدنی کا بھی ہے'

جمعیت علماء ہند کے 34 ویں اجلاس سے خطاب کرتے ہوئے مولانا محمود مدنی نے کہا کہ 'بھارت ہمارا ملک ہے۔ یہاں سب برابر ہیں اور یہ سرزمین اسلام کی جائے پیدائش اور مسلمانوں کا سب سے پہلا وطن ہے۔' Jamiat Ulema e Hind Chief Mahmood Madani

دہلی: دارالحکومت دہلی کے رام لیلا میدان میں جمعیت علماء ہند کا تین روزہ 34 واں اجلاس جاری ہے اس اجلاس سے خطاب کرتے ہوئے جمعیت علماء کے صدر مولانا محمود مدنی نے کہا کہ یہ ملک جنتا وزیر اعظم نریندر مودی اور موہن بھاگوت کا ہے اتنا ہی محمود مدنی کا ہے انہوں نے کہا کہ نہ محمود ان سے ایک انچ آگے اور ناہی وہ محمود سے ایک انچ آگے ہیں۔مولانا محمود مدنی نے کہا کہ اس سرزمین کی خاصیت یہ ہے کہ خدا کے سب سے پہلے پیغمبر ابوالبشر سیدنا آدم علیہ سلام کی سرزمین ہے۔ آپ یہیں تشریف لائیں۔ انہوں نے کہا کہ یہ سرزمین اسلام کی جائے پیدائش ہے اور یہ مسلمانوں کا پہلا وطن ہے۔ اس لیے یہ کہنا، سمجھنا اور بولنا کہ اسلام باہر سے آیا ہوا مذہب ہے یہ سراسر غلط ہے اور تاریخی اعتبار سے بے بنیاد ہے۔

انہوں نے کہا کہ اسلام اسی ملک کا مذہب ہے اور تمام مذاہب سے سب سے پرانا مذہب ہے اور حضرت محمد صلی اللہ علیہ وسلم اسی دین کو مکمل کرنے کے لیے تشریف لائے تھے۔ انہوں نے کہا کہ بھارت ہندی مسلمانوں کے لیے وطنی اور دینی دونوں حثیتوں سے سب سے اچھی جگہ ہے۔ یاد رہے کہ دہلی کے رام لیلا میدان میں جمعیت علماء ہند کا تین روزہ اجلاس جاری ہے اس اجلاس میں مسلمانوں سے متعلق مختلف تجاویز بھی پیش کی گئی اس اجلاس میں تجاویز کا یہ سلسلہ ہفتہ کی دوپہر تک اسی طرح سے جاری رہے گا۔ کنونشن کا پلینری سیشن اتوار کو ہوگا جس میں ہزاروں افراد کی شرکت متوقع ہے۔