اروند کیجریوال کی اہلیہ کورونا پازیٹیو

دہلی کے وزیر اعلیٰ اروند کیجریوال کی اہلیہ سنیتا کیجریوال کے کورونا مثبت آنے کے بعد وزیر اعلی اروند کیجریوال نے خود کو کوارنٹائن کر لیا ہے۔

دہلی کے وزیر اعلی اروند کیجریوال کی اہلیہ سنیتا کیجریوال آج کورونا مثبت پائی گئی ہیں۔ اس کے بعد وزیر اعلی اروند کیجریوال نے خود کو کوارنٹائن کر لیا ہے۔ اس بات کی تصدیق عام آدمی پارٹی کے رہنما درگیش پاٹھک نے کی ہے۔

درگیش پاٹھک نے ای ٹی وی بھارت کو بتایا کہ 'کورونا پروٹوکول کو ذہن میں رکھتے ہوئے اروند کیجریوال نے اہلیہ کی رپورٹ مثبت آنے کے بعد خود کو کوارنٹائن کر لیا ہے۔'

انہوں نے بتایا کہ اروند کیجریوال کورونا وبا کے اس دور میں دہلی میں تیزی سے پھیل رہے کورونا کی لڑائی کی قیادت خود کررہے ہیں۔ وہ تمام پہلوؤں پر مسلسل نگرانی کر رہے ہیں۔

انہوں نے کہا کہ دہلی حکومت دہلی کے ساتھ کورونا کی جنگ میں پوری طرح سے مصروف عمل ہے اور توقع ہے کہ ہم جلد ہی کورونا کو شکست دیں گے۔ انہوں نے سنیتا کیجریوال کی جلد صحتیابی کی دعا بھی کی۔