عام آدمی پارٹی میں جشن

دہلی اسمبلی کی 70 نشستوں کےلیے ووٹوں کی گنتی جاری ہے اور ابتدائی نتائج سے ہی عام آدمی پارٹی کی فتح ظاہر ہورہی ہے۔

وہیں عام آدمی پارٹی کارکنوں میں جشن کا ماحول ہے اور مختلف علاقوں سے پارٹی کارکن عام آدمی پارٹی کے ہیڈآفس واقع دین دیال اپادھیائے مارگ پہنچ رہے ہیں۔

یہاں ایک خاص بات دیکھی جارہی ہے کہ اروند کیجریوال کی ہدایت کے مطابق پٹاخے جلاکر یہاں جشن نہیں منایا جارہا ہے۔ عآپ دفتر پر نیلے اور سفید رنگ کے غبارے لگاکر ہی جشن منایا جارہا ہے۔

واضح رہے کہ دہلی میں فضائی آلودگی کو نظر میں رکھتے ہوئے اروند کیجروال نے پارٹی کارکنوں کو پٹاخے نہ جلانے کی ہدایت دی تھی جو جیت کی خوشی میں روایتی انداز مانا جاتا ہے۔

جیسے جیسے نتائج آتے جارہے ہیں پارٹی کارکنوں میں خوشی کی لہر دیکھی جارہی ہے اور اعلیٰ قائدین بھی پارٹی آفس پہنچ رہے ہیں۔